Ekibastuzda órtenip jatqan páterden 52 jastaǵy áıel qutqaryldy
EKІBASTUZ QazAqparat – Pavlodarlyq órt sóndirýshiler órt sóndirýge kelip, kireberisten es-tússiz jatqan áıeldi tapqan, dep habarlaıdy QazAqparat tilshisi.
«2021 jyldyń 9 qarashasynda saǵat 22:22-de «101» nómirine Ekibastuzda órt shyqqany týraly habar túsken», - dedi jýrnalısterge Pavlodar oblystyq tótenshe jaǵdaılar departamentiniń baspasóz qyzmetinen.
Óńirlik TJD málimeti boıynsha, bes qabatty páterdiń tórtinshi qabatynda ornalasqan eki bólmeli páterdiń qonaq bólmesinde jıhazdar men úı zattary janyp jatqan. Órt segiz sharshy metr aýmaqty qamtyǵan.
«Aǵa ınjener Bıbek Aıdyn men aǵa órt sóndirýshiler Qalybaev Damır, Qasenov Dıdar kireberisten es-tússiz jatqan 1969 jylǵy áıeldi qutqardy. Ol keıin Ekibastuz qalalyq aýrýhanasyna jetkizildi», - dep atap ótti qutqarýshylar.
Osy úıdiń baspaldaǵynan eki adam evakýatsııalandy. Órt sóndirýshiler kelgenge deıin on adam, sonyń ishinde eki bala ózdiginen shyǵyp úlgergen. Órt 22:54-te aýyzdyqtaldy. Órttiń shyǵý sebebi men keltirilgen zaqym anyqtalyp jatyr, dep atap ótti TJD-dan.
Órt sóndirýge TJD jeke quramynan 13 adam jáne 4 tehnıka tartyldy.
