Ekibastuzda mereke qarsańynda 72 otbasy baspanaly boldy

PAVLODAR. QazAqparat - Ekibastuzda otbasylarǵa jańa páter kilti tabystaldy, dep habarlaıdy QazAqparat Pavlodarnews.kz saıtyna silteme jasap.

Ekibastuz qalalyq ákimdiginiń málimdeýinshe, shahardaǵy Toraıǵyrov kóshesi, 114/1 mekenjaıy boıynsha jańa úı paıdalanýǵa berildi.
- 72 otbasy jańa páterge ıe boldy. Onyń ishinde 18 kóp balaly otbasy 3 bólmeli páterge kirdi. 36 otbasyǵa 2 bólmeli páterdiń kilti tabystalsa, 18 otbasy 1 bólmeli baspanaǵa qol jetkizdi. Baspanaly bolǵandar qatarynda 16 jetim bala bar, - dedi ákimdikte.

Jańa úıdegi 3 bólmeli páterdiń jalpy aýdany 70 sharshy metrden assa, 2 bólmelisi 56 sharshy metrdi, 1 bólmelisi 40 sharshy metrdi quraıdy.
Sondaı-aq ákimdikte birinshi jarty jyldyqta taǵy 72 otbasy baspanaly bolatynyn atap ótti.