Ekibastuzda mas muǵalim adam ólimine sebepshi boldy
PAVLODAR. QazAqparat - Ekibastuz qalalyq soty QR QK-niń 346-baby 4-bóligi boıynsha orta mektep muǵalimine qatysty qylmystyq isti qarady, dep habarlaıdy «QazAqparat» HAA tilshisi.
«Sot saraptamalary kórsetkendeı, 2017 jyldyń 17 mamyrynda júrgizý kýáliginen 3 jylǵa aıyrylǵanyna qaramastan, azamatsha I. mas kúıi rýlge otyryp, jyraǵa aýdarylǵan. Oqıǵa saldarynan avtomobıldegi jolaýshy aýrýhanaǵa jetkizilip, jan saqtaý bóliminde kóz jumdy. Sottalýshy óz kinásin tolyq moıyndap, jasaǵan áreketi úshin qatty ókinetinin málimdedi»,-dep habarlady jergilikti sottyń baspasóz qyzmetinen.
Qaza tapqan jolaýshynyń aǵasy sottalýshy I. onyń qaryndasymen bala kezinen jaqyn aralasatynyn aıtyp, sottan onyń jazasyn jeńildetýdi surady.
«Sot úkimimen aıyptalýshy kináli dep tanylyp, oǵan 3 jyl 6 aı kóleminde bas bostandyǵynan aıyrý jáne 7 jylǵa deıin kólik basqarý quqyǵyn shekteý jazasy taǵaıyndaldy. QK 63-babyna sáıkes, taǵaıyndalǵan bas bostandyǵynan aıyrý jazasy shartty jaza retinde sanalsyn», - delingen habarlamada.
Úkim zańdy kúshine engen joq.
Foto: static.ngs.ru
