Ekibastuzda mas áıel tórtinshi qabattyń balkonynan qulap ketti
PAVLODAR. QazAqparat - Pavlodar oblysynda bir kúnde 3 jazataıym oqıǵa oryn aldy, dep habarlaıdy QazAqparat tilshisi.
«27 naýryz kúni saǵat 08:10-da Ekibastuz qalasynyń Keńshiler kóshesindegi 15-páterde 51 jastaǵy áıel mas kúıinde óziniń abaısyzdyǵy saldarynan tórtinshi qabat balkonynan qulap ketti» dep jazady Pavlodar oblystyq polıtsııa departamentiniń baspasóz qyzmeti.
Sol kúni saǵat 19:00-de Baıet aýylynyń Kanal-Taý kóshesindegi úıdiń aýlasynda 52 jastaǵy aýyl turǵyny óziniń nemquraıdylyǵy saldarynan tepe-teńdigin saqtaı almaı, úıdiń shatyrynan qulap ketken.
«27 naýryz saǵat 04: 00-de Aqsý qalasynda 25 jastaǵy jas jigit jóndeý jumystary kezinde baspaldaqtan túsip bara jatyp, óziniń abaısyzdyǵynan 2,4 metr bıiktikten qulap ketti», - dedi polıtsııa úshinshi jaǵdaı týraly.
Apat saldarynan jaraqat alǵandardyń barlyǵy aýrýhanaǵa jetkizildi.
