Ekibastuzda mas adamnyń kesirinen alty balkon janyp ketti

Órt saldarynan 15 adam evakýatsııalandy. Onyń tórteýi – bala. Olardy órt sóndirýshiler saty qoıyp syrtqa shyǵardy.

Pavlodar oblysy TJD baspasóz qyzmetiniń málimdeýinshe, órt týraly habarlama 19 tamyzda saǵat 08:54-te jetken. Ekibastuzdaǵy eki bólmeli páterdegi órt saldarynan kórshi ornalasqan alty balkon janyp ketti. Jalyn 18 sharshy metrdi sharpydy. Janyp jatqan páterge kirý úshin qutqarýshylar temir esikti buzyp ashýǵa májbúr boldy.

«Órttiń aldyn ala anyqtalǵan sebebi – temeki shegý kezinde abaı bolmaý. Órt sóndirýshi Jolaman Balǵojınov gazdan qorǵaý qyzmetimen birge edende jatqan páter ıesin tapqan. Mas adam es-tússiz jatqan. 1954 jylǵy zardap shegýshiniń denesiniń 36 paıyzyn birinshi jáne ekinshi dárejeli kúıik shalǵan», delingen habarlamada.

Páter ıesi qalalyq aýrýhananyń jansaqtaý bólimine jatqyzyldy. Dárigerler onyń jaǵdaıyn ortasha dep baǵalaıdy. Órt sóndirýshiler jalyndy saǵat 10:20-da sóndirdi. Oǵanı 16 qyzmetker jumyldyryldy. Ekibastuz qalasy ákimdiginiń baspasóz qyzmeti habarlaǵandaı, órtten zardap shekkenderge materıaldyq kómek kórsetý úshin arnaıy komıssııa quryldy. Jaqyn arada olardyń árqaısysy 30 AEK kóleminde ótemaqy alady.