Ekibastuzda kópqabatty 42 úıdiń turǵyndary áli jylýsyz otyr
Pavlodar oblysy ákimdiginiń baspasóz qyzmetinen málim etkendeı, jeke turǵyn úılerdiń ishinde 18-ine jylý berilip, 72-si áli jylýmen qamtylǵan joq.
«Qalǵan kópqabaty 42 úı men 72 jeke turǵyn úı boıynsha táýlik boıy jumys júrgizilip jatyr. Buzylǵan jerlerdi jóndeý úshin brıgadalar jumyldyrylǵan. Jylýmen qamtýdaǵy kemshilikterdiń negizgi sebebi páter ıeleri kooperatıvteri (PIK) qyzmetkerleriniń jylýmen qamtýdyń ishki júıesinde sýdy aǵyzýdaǵy qatelikteri bolyp otyr», - dep atap ótedi óńir ákimdiginen.
Aıta keteıik, 27 qarashadan Ekibastuzda oblys ákimi basshylyq jasaıtyn apatty joıý jónindegi jedel shtaby jumys jasap jatyr. 28 qarashada qalada Ekibastuz JEO-daǵy apatqa baılanysty tehnogendik sıpattaǵy tótenshe jaǵdaı jarııalandy. Apatty joıý jumystaryna 256 maman men 43 tehnıka jumyldyryldy.
Esterińizge sala ketsek, 27 qarasha kúni túnde, saǵat 01:20 shamasynda, Ekibastuz JEO-da qazandyq isten shyǵyp, on mınýttan keıin taǵy úsheýi toqtaǵan bolatyn.
Osydan keıin qaladaǵy balalardy qoldaý ortalyǵynyń tárbıelenýshileri Pavlodarǵa aýystyrylyp, mektep oqýshylary onlaın bilim alýǵa kóshirildi.
Búgin Úkimet otyrysynda oblys ákimi Ábilqaıyr Ysqaqov qaladaǵy ahýalǵa qatysty esep berdi.
Premer-Mınıstr Álıhan Smaıylov Ekibastuz qalasyndaǵy jaǵdaıdy qalpyna keltirý boıynsha birqatar tapsyrma berdi.
Foto: «Pavlodarenergo» AQ