Ekibastuzda kólikjaıda turǵan avtokólik janyp ketti
EKІBASTUZ. QazAqparat – Ekibastuz qalasynda kólikjaıda turǵan avtokólik janyp ketti. Órt sóndirýshiler jalynnyń kórshi turǵan jeke úıge kóshýiniń aldyn aldy, dep habarlaıdy QazAqparat Pavlodarnews.kz saıtyna silteme jasap.
Bul týraly oblystyq tótenshe jaǵdaılar departamentiniń baspasóz qyzmeti málim etti.
«31 qańtarda saǵat 11:23-te № 2 mamandandyrylǵan órt sóndirý bóliminiń baılanys pýnktine Ekibastuz qalasynda Jambyl kóshesi, 12 úı mekenjaıy boıynsha jeke turǵan kólikjaıda kóliktiń janǵany týraly habarlama kelip tústi. Shaqyrý ornyna birden aýysymdaǵy kezekshi top jiberildi», - dedi baspasóz qyzmetinde.
Oqıǵa ornynda jeke menshik úıdiń aýmaǵyndaǵy kólikjaıda 1995 jyly shyqqan Subaru markaly avtokóliginiń jáne sonda qoıylǵan úı zattarynyń, turmystyq jıhazdyń tolyǵymen janyp ketkeni anyqtaldy.
№ 2 kezekshi aýysymnyń jedel is-qımyldarynyń arqasynda 1 gaz ballony shyǵaryldy. Órt jaqyn mańdaǵy jeke turǵyn úıge taratylmaı sóndirildi. Qaza bolǵandar men zardap shekkender joq.
