Ekibastuzda qoǵamdyq kólikte jol júrý aqysy qymbattaıdy
EKІBASTUZ. QazAqparat - 1 naýryzdan bastap Ekibastuz qalalyq avtobýstarynda jol júrý aqysy 65 teńge bolady, dep habarlaıdy «QazAqparat» HAA tilshisi turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimine silteme jasap.
Buǵan deıin jol júrý aqysy 10 teńgege arzan, ıaǵnı 55 teńge bolǵan. Ekibastuz TKSh bóliminiń resmı habarlamasynda «2018 jyldyń 1 naýryzynan bastap qalalyq qoǵamdyq kóliktegi jol aqysynyń tarıfi - 65 teńge bolady, sondaı-aq jeke sanattaǵy azamattar úshin jáne zeınetkerler, 3-toptaǵy múgedekter, kóp balaly analar úshin - 32 teńgeni quraıdy» delingen.
Sondaı-aq, mektep oqýshylary (1-11 synyptar) jol aqysynyń tek jartysyn - 32 teńge tóleıdi.
Búginde Ekibastuzda 10 marshrýt bar - kún saıyn 50-den astam avtobýs reıske shyǵady.
