Ekibastuzda qalanyń 60 jyldyǵyna arnalǵan respýblıkalyq aıtys ótedi
ASTANA. QazAqparat - Ekibastuz qalasynyń 60 jyldyǵyna oraı «Ekibastuz jánnat jaıym, altyn besik mekenim» atty respýblıkalyq aqyndar aıtysy ótedi, dep habarlaıdy pavlodarnews.kz .
«Atamura» mádenıet ortalyǵy usynǵan aqparatqa súıensek, jyr dodasyna kórshiles oblystardan jalpy 12 sýyryp-salma aqyn keledi.
«Aıtysta semeılik Serik Moldabek, qaraǵandylyq Maqsat Ahanov, Dıdar Qamıev, pavlordarlyq Qýanyshbek Sharmanov, baıanaýyldyq Tilek Seıit, ekibastuzdyq Raýan Qaıdarov, Baǵdat Álekbaev, «Altyn dombyra» ıegeri Aspanbek Shuǵataevtar bastaǵan sóz súleıleri baq synaıdy. Alamannyń negizgi taqyryby qalanyń mereıtoıy, tarıhy men jetistikterin arqaý etip, Táýelsizdigimizdi jyrǵa qosý», - dep málim etti oblystyq mádenıet basqarmasy.
Aıta keteıik, respýblıkalyq kólemdegi aıtys «Óner» qalalyq mádenıet saraıynda 11 maýsymda ótedi. Bastalýy: saǵat 12:00-de. Kirý tegin.
Eske salaıyq, Ekibastuz qalasynda ótken jyldyń jeltoqsan aıynda halyqaralyq aqyndar aıtysy ótken bolatyn. Alaman dodanyń bas júldesi men 500 myń teńgelik syılyqty qaraǵandylyq Dıdar Qamıev alǵan edi.
