Ekibastuzda gaz ballony jarylǵan soń polıtsııa basqarmasynyń bastyǵy qyzmetinen ketti
NUR-SULTAN. QazAqparat – Ekibastuzda gaz ballony jarylǵan soń polıtsııa basqarmasynyń bastyǵy qyzmetinen ketti. Bul týraly QR ІІM-niń baspasóz qyzmeti habarlady.
Baspasóz málimetterine qaraǵanda, Ekibastuz qalasynda gaz ballondary jarylyp, sonyń saldarynan eki adam qaza tapqan. Jergilikti turǵyndardiń biri osy iske baılanysty tergeý jumystarynyń talapqa saı júrgizilmeı jatqandyǵyna shaǵymdanǵan. Osyǵan baılanysty mınıstrdiń tapsyrmasy boıynsha ІІM qyzmetkerler toby osy istiń mán-jaıyn anyqtaý úshin Pavlodar oblysyna jiberildi.
Adam qazasy bolǵan gaz ballonynyń jarylýy isine qatysty júrgizilgen qyzmettik tekseris kezinde Qylmystyq-protsessýaldyq kodeks talaptarynyń buzylýy jáne tergeý merzimderin úzý týraly negizsiz sheshim qabyldanǵany anyqtaldy.
«Qazirgi tańda zańbuzýshylyqtarǵa jol bergen jáne osy qylmystyq isti durys júrgizbegen tergeýshi men aǵa tergeýshi jáne Ekibastuz qalasynyń polıtsııa basqarmasynyń tergeý bóliminiń bastyǵy laýazymdarynan bosatyldy»,-delingen habarlamada.
Pavlodar oblysy PD Tergeý basqarmasynyń laýazymdy tulǵalary jáne Departament basshysynyń tergeý jumystaryna jetekshilik etetin orynbasary qatań tártiptik jazaǵa tartyldy. Sonymet qatar, Ekibastuz qalasy polıtsııa basqarmasynyń bastyǵy qyzmetinen bosatyldy.
