Ekibastuzda er adamdy atyp ketti
EKІBASTUZ. QazAqparat – Ekibastuzda er adam oq jaraqatynan qaıtys boldy, dep habarlaıdy QazAqparat Polisia.kz saıtyna silteme jasap.
«23 aqpan kúni saǵat 08:00-08:10-de Ekibastuzdaǵy Sátbaev kóshesindegi úıdiń aýlasynda belgisiz bireý er adamǵa atys qarýynan oq atty. Er adam alǵan jaraqaty saldarynan oqıǵa ornynda kóz jumdy. Atalǵan fakti boıynsha QR Qylmystyq kodeksiniń 99-babynyń 1-bólimine sáıkes sot aldyndaǵy tergeý amaldary bastaldy. Qylmys jasaýda kúdikti tulǵany anyqtaýǵa baǵyttalǵan jedel-izdeý sharalary ótkizilýde», - dep habarlady Pavlodar oblysy polıtsııa departamentiniń bastyǵy Nurlan Másimov.
Polıtsııa atalǵan fakti boıynsha qandaı da bir aqparat biletin bolsa habarlasaýyn suraıdy. Qupııalylyq saqtalady. QR QPK-niń 201-babyna sáıkes, basqa aqparat tergeý múddesi úshin jarııalanbaıdy.
