Ekibastuzda eki oqýshy besinshi qabattan qulap ketti
ASTANA. QazAqparat - Ótken túnde eki oqýshy besinshi qabattan qulap ketti, dep habarlaıdy pavlodarnews.kz.
Ekibastuz qalasy ákiminiń baspasóz qyzmeti atalmysh faktiniń oryn alǵanyn rastap otyr.
"Olar bul jaǵdaı oryn alǵan kezde úılerinde bolmaǵan. Bul sabaqtan tys kezde bolǵan. Mektep únemi balalardy baqylaýda ustaı almaıdy. Birinshi kezekte olar úshin eń jaqyn adamdary, ıaǵnı ata-analary jaýap beredi. Aldaǵy ýaqytta balalardyń tárbıesi men qaýipsizdigi boıynsha jınalys ótkiziledi. Sonymen qatar, jergilikti mektepterdiń joǵary synyp oqýshylarymen psıhologtar jumys isteıdi.Oqıǵa ornynda alǵashqymedıtsınalyq kómek kórsetken jedel járdem qyzdardy qalalyq aýrýhananyń jansaqtaý bólimine ornalastyrǵan".
Oblystyq TJD baspasóz qyzmetiniń málimetine súıensek, qaıǵyly jaǵdaı Baýyrjan Momyshuly kóshesi, 113 mekenjaıy boıynsha tirkelgen. 2003 jyly týǵan qyz balalar bes qabatty úıdiń kireberisiniń terezesinen qulaǵan. Olardyń biri № 23, ekinshisi № 2 mekteptiń 9 synyp oqýshylary. Jasóspirimder túrli jaraqatpen aýrýhanaǵa jetkizilgen.
