Ekibastuzda eki qabatty úıdiń shatyry janyp jatyr, adamdar evakýatsııalanýda

EKІBASTUZ. QazAqparat – Pavlodar oblysynyń Ekibastuz qalasynda eki qabatty úıdiń shatyry janyp jatyr. Qutqarýshylar 30 adam, sonyń ishinde 7 balany evakýatsııalady, dep habarlaıdy QazAqparat.

«27 sáýir kúni saǵat 17:57-de Máshhúr Júsip kóshesi, 2 mekenjaıyndaǵy eki qabatty turǵyn úıdiń shatyry jana bastady (aýmaǵy anyqtalyp jatyr). Órttiń taralýy toqtatylǵan joq jáne joıylǵan joq. Zardap shekkender týraly aqparat túspedi. Tótenshe jaǵdaılar departamentiniń kúshimen turǵyndar evakýatsııalanyp jatyr.

Oqıǵa ornynan TJD (jeke quramnyń 22 adamy 6 tehnıka) jáne órt sóndirýshiler baspaldaq marshymen 30 adamdy, sonyń ishinde 7 balany qaýipsiz jerge shyǵardy. Órt sóndirýshiler 6 gaz ballonyn alyp shyqty», - delingen Pavlodar oblystyq Tótenshe jaǵdaılar departamentiniń aqparatynda.