Ekibastuzda eki birdeı energetıkalyq blok salynady – Úkimet otyrysy
NUR-SULTAN. QazAqparat –Ekibastuz qalasyn áleýmettik-ekonomıkalyq damytýdyń keshendi jospary aıasynda eki birdeı energetıkalyq blok salynady, dep habarlaıdy QazAqparat tilshisi.
Bul týraly Ulttyq ekonomıka mınıstri Áset Erǵalıev Úkimet otyrysynda aıtty.
«Energetıka salasynda jalpy qýaty 1136 MVT bolatyn 2 energoblok salynady.
Kásipkerlikti damytý úshin «Bıznestiń jol kartasy – 2025», «Qarapaıym zattar ekonomıkasy» jáne «Eńbek» baǵdarlamalary sheńberinde kásipkerlerdiń kredıtteri boıynsha syıaqy mólsherlemesin sýbsıdııalaý jáne jańa bıznes-ıdeıalardy iske asyrý úshin granttar berý josparlanyp otyr.
Ónerkásipte 400 gektarǵa ındýstrııalyq aımaq qurý, ferroqorytpalar, tehnıkalyq kremnıı, metallýrgııalyq kómir elektrodtary, temir jol úshin soǵylǵan buıymdar boıynsha zaýyttar salý kózdelgen», - dedi vedomstvo basshysy.
Onyń aıtýynsha, qalada kómir óndirýdiń avtokonveıerlik tehnologııasyna kóshý kózdelip otyr.
«Agroónerkásiptik keshende jyly jaılar aýmaǵy 30 gektardan 60 gektarǵa deıin keńeıtiledi, nan-toqash jáne makaron ónimderi, 2 bordaqylaý alańy óndirisi boıynsha keshender salynady, sondaı-aq sý armaly jerler 10 myń gektarǵa ulǵaıady», - dedi mınıstr.
