Ekibastuzda djıp úı aýlasynda jasóspirimdi qaǵyp ketti
PAVLODAR. QazAqparat – Jol talǵamaıtyn kólik 15 jastaǵy jasóspirimdi úıdiń aýlasynda qaǵyp ketti, dep habarlaıdy QazAqparat.
«15 sáýir kúni saǵat 15:50-de «Toyota Land Cruiser» markaly avtokólik júrgizýshisi Áýezov kóshesindegi úıdiń aýlasynda velosıped aıdap júrgen 15 jastaǵy kámelettik jasqa tolmaǵan balany qaǵyp ketti», - dep habarlady Pavlodar oblystyq polıtsııa departamentiniń baspasóz qyzmetinen.
Jol apaty saldarynan denesi kógerip, terisi sydyrylǵan jasóspirim aýrýhanaǵa jetkizildi. Ol dárigerlerdiń qaraýynan keıin úıine jiberilgen.
«Atalǵan fakt tirkeldi. Tekserý jumystary júrgizilýde, arnaıy saraptamalar taǵaıyndaldy», - dep qosyp ótti oblystyq polıtsııa departamentinen.
