Ekibastuzda búgin tańerteń jarylǵan jylý qubyry tolyq jóndeldi

EKІBASTUZ. QazAqparat – Búgin tańerteń Ekibastuzdaǵy №6 shaǵynaýdanda jarylǵan jylý qubyry qalpyna keltirildi. Bul týraly qala ákimdiginiń áleýmettik jelidegi resmı paraqshasynda málim etildi, dep habarlaıdy QazAqparat tilshisi.

«№6 shaǵynaýdanda oramishilik jylý jelisindegi aqaý joıyldy. Baýyrjan Momyshuly kóshesi 46, 44, 48, 50, 52 jáne Máshhúr Júsip kóshesi 59, 61, 65, 57a, 63, 63A, 63B, 67a turǵyn úılerine jylý berý qalpyna keltirildi. Baýyrjan Momyshuly kóshesi 42, 54 mekenjaıyndaǵy eki úıde jóndeý jumystary jalǵasyp jatyr», - delingen Ekibastuz ákimdiginiń habarlamasynda.

Aıta keteıik, búgin saǵat 04:30-da Ekibastuzdaǵy №6 shaǵynaýdanda oramishilik jylý jelisinde qubyr jarylǵan edi. Oǵan jóndeý brıgadalary jiberilip, eki kóshedegi 15 turǵyn úıge ystyq sý berý ýaqytsha toqtylǵan bolatyn.

Foto: instagram.com/ekibastuz_akimdigi/