Ekibastuzda birqatar jer úıge jylý berý toqtatylady
«Ekibastuzjylýenergo» JShS málimetinshe, jylý berýdiń toqtatylýy jylý júıelerine jóndeý jumystarynyń júrgizilýimen baılanysty bolady. Osylaısha, 28 jeltoqsanda Berkimbaev kóshesi 204-206 mekenjaılaryna qaraı kvartalishilik jylý júıesi ajyratylady.
«Osyǵan baılanysty saǵat 10.00 - 14.00 aralyǵynda Berkimbaev kóshesi 204, 204a, 206, sondaı-aq Munaıshylar kóshesi 1, 2, 4, 8, 9, 10 mekenjaılaryndaǵy jeke úılerde jylý bolmaıdy», - delingen kompanııa habarlamasynda.
Sonymen qatar osy kúni saǵat 09.00 – 14.00 aralyǵynda 22-Ońtústik jol – Grıdın baǵytyna qaraı kvartalishilik júıemen jylý berý óshiriledi. Nátıjesinde 22-Ońtústik jol 1, 2, 3, 4, 5, 6, 7, 8, 9, 10, 11, 12, 13, 14 mekenjaılaryndaǵy jer úıler jylýsyz qalady.
Al saǵat 09.00 – 15.00 aralyǵynda M.Júsip kóshesi 34, 34a, Kenshiler kóshesi 12a, 12b, 14, 16 kóshesindegi jeke úılerge, sondaı-aq «ATF Bank» AQ ǵımaratyna jylý berý toqtatylady.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.
28 qarasha kúni qalada jergilikti aýqymdaǵy tótenshe jaǵdaı jarııalandy.
Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııa jetkiliksizdigi ataldy.
7 jeltoqsanda barlyq kópqabatty úı jylýǵa qosylǵany málim boldy.
8 jeltoqsanda Prezıdent Qasym-Jomart Toqaevqa esep bergen Pavlodar oblysynyń ákimi Asaıyn Baıhanov Ekibastuzdaǵy jylý júıesin qalpyna keltirý 15 jeltoqsanǵa deıin aıaqtalatynyn aıtty. Osy kúni qalada tótenshe jaǵdaı rejımi alyndy.
12 jeltoqsanǵa deıin 4 jer úıden basqa turǵyn úılerdiń barlyǵyna jylý berildi.
Bas prokýratýra Ekibastuzdaǵy apatty tergeý eki aıǵa deıin sozylatynyn málim etti.
Foto: Konstantına Shelkov