Ekibastuzda bir jyl buryn joǵalyp ketken er adamnyń denesi tabyldy

ASTANA. QazAqparat – Ekibastuzda ótken jyldyń qazan aıyna joǵalyp ketken 35 jastaǵy er adamnyń denesi tabyldy, dep habarlaıdy QazAqparat Polisia.kz saıtyna silteme jasap.

«2 sáýir saǵat 17.20 shamasynda Ekibastuz qalasyndaǵy «Soıýz» saıajaı qoǵamynyń janyndaǵy temirjol kópiriniń astyndaǵy Q.Sátbaev atyndaǵy kanalda 1988 jyly týǵan qala turǵynynyń máıiti tabyldy. Er adam 2022 jyly 13 qazanda joǵalyp ketken bolatyn. Onyń denesinen zorlyq belgileri tabylmady. Oqıǵa ornynan joǵalǵan adamnyń atyna rásimdelgen smart-saǵat pen Kaspi Gold magnıttik kartochkasy tabyldy.

Máıitti ákesi tanydy.

«Sot-medıtsınalyq saraptama taǵaıyndaldy, onyń nátıjeleri boıynsha protsestik sheshim qabyldanady. Oqıǵanyń mán - jaıy anyqtalyp jatyr»,-delingen habarlamada.