Ekibastuzda bir balyqshy sýǵa batyp ketken, tórteýi aman
ASTANA. QazAqparat - Ekibastuz qalasynyń Solnechnyı kentinde 1967 jyly týǵan balyqshy sýǵa batyp ketti. Tórt adam ajal aýzynan aman qaldy. Bul týraly oblystyq TJD tótenshe jaǵdaılardy joıý bóliminiń bastyǵy Sergeı Chernov aıtty, dep habarlaıdy pavlodarnews.kz.
«Shańdyqsor kólinde balyq aýlaý kezinde Ekibastuz qalasynyń turǵyny muzdyń astyna túsip ketken. Búgingi kúni quramynda 5 adam men bir tehnıka, bir júzý quraly bar jedel-qutqarý jasaǵynyń kúshimen izdeý jumystary jalǵasýda. Sonymen qatar, muz jarylyp ketken kezde tórt adam bolǵan. Olardyń barlyǵy qutqaryldy. Bireýi aýrýhanaǵa jetkizilip, úsheýi jergilikti polıtsııa qyzmetiniń qyzmetkerlerine tapsyryldy», - dedi Sergeı Chernov. Qutqarylǵan azamattarǵa qatysty QR Ákimshilik quqyqbuzýshylyq Kodeksiniń 383-baby «Balyq aýlaý erejesi jáne balyq resýrstaryn qorǵaý, basqa da sý janýarlaryn qorǵaý erejelerin buzý» boıynsha 10 aılyq eseptik kórsetkish mólsherinde aıyppul salý túrinde ákimshilik óndiris qozǵaldy. Bıylǵy jyly naýryz jáne sáýir aılarynda muz ústinen alty adam qutqaryldy. Onyń 24-i eresekter bolsa, 19-y - bala. Qutqarylǵandarǵa medıtsınalyq kómek kórsetilip, balalarmen jáne olardyń ata-analarymen túsindirý jumystary júrgizilgen.
