Ekibastuzda barlyq mektep pen kolledjder onlaınǵa kóshirildi

EKІBASTUZ. QazAqparat – Ekibastuz qalasynda mektep oqýshylary men kolledj stýdentteri búgin de onlaınǵa kóshirildi, dep habarlaıdy QazAqparat Pavlodarnews.kz-ke silteme jasap.

Qalalyq bilim bóliminiń málimetinshe, 8 aqpan kúni mektepter men kolledjderde bilim berý qashyqtan júrgiziledi. Balabaqshalar kezekshilik top rejıminde jumys isteıdi.

Eske salaıyq, jylý elektr ortalyǵynan keletin jylý temperatýrasy tómendegendikten Ekibastuzdyń oqýshylary men stýdentteri keshe, 7 aqpan kúni de úıden oqyǵan bolatyn.

Qalada byltyrǵy jyldyń 27 qarashasynda bolǵan apat saldaryn joıý jumystary áli de jalǵasyp jatyr.

28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.

Bas prokýratýra Ekibastuzdaǵy apatty tergeý eki aıǵa deıin sozylatynyn málim etti.

Sonymen qatar Úkimettiń keńeıtilgen otyrysyna qatysqan Prezıdent Qasym-Jomart Toqaev Ekibastuz turǵyndaryna jylý jelisindegi apattyń shyǵyndaryn memleket pen JEO ıesi bólip tólesin dep tapsyrma berdi.

Bıylǵy 26 qańtarda «Ekibastuzjylýenergo» JShS-ǵa 1,1 mln teńgege aıyppul salynǵany belgili boldy.

2029 jylǵa deıin qalada GRES-3 stansasyn salý josparlanǵan.

Tótenshe jaǵdaı kezinde zardap shekken páterlerdi jóndeý jumystary jalǵasyp jatyr. 30 qańtardaǵy málimet boıynsha, jóndeý 152 páterde jasaldy.