Ekibastuzda avtogaz quıý beketi órtendi, jalynnyń úılerge taraý qaýpi bar
EKІBASTUZ. QazAqparat – Ekibastuzda avtogaz quıý beketi órtendi, jalynnyń úılerge taraý qaýpi bar, dep habarlaıdy QazAqparat Pavlodar oblystyq Tótenshe jaǵdaılar departamentine silteme jasap.
«26 shilde, saǵat 13:24-te Ekibastuz qalasynda Qonaev kóshesi, 5 mekenjaıynda avtokólikterge gaz quıý beketinen órt shyqty, 4 tsısterna ashyq jalynmen janyp jatyr. Ot jaqyn ornalasqan «Ferýza» azyq-túlik dúkenine aýysty.
Órttiń kórshi ǵımarattarǵa ótý qaýpi bar. Jeke úıler joldyń arǵy betinde 100 m qashyqtyqta ornalasqan.
Oqıǵa ornynda 20 qyzmetker men 7 tehnıka jumys istep jatyr. Mán-jaı anyqtalýda, órtti sóndirý jalǵasýda», - delingen TJD málimetinde.
