Ekibastuzda avtobýstardyń jolaqysy qymbattamaq
ASTANA. QazAqparat - Ekibastuzdaǵy qoǵamdyq kólikterdiń jolaqysy 55 teńgeden 65 teńgege deıin qymbattaýy múmkin, dep habarlaıdy pavlodarnews.
Agenttikke qalalyq ákimdiktiń baspasóz hatshysy Gabdolla Beısekeev habarlaǵandaı, avtobýstardaǵy jol aqysy 2014 jyldyń shildesinen beri kóterilmegen.
«Dızel otyny, janar-jaǵarmaı jáne kólik bólshekteri baǵalarynyń ósýine baılanysty jolaqyny 10 teńgege arttyrý qarastyrylýda. Negizinde turǵyndardy tasýshylar 70 teńgege jetkizýdi suraǵan edi. Bul suraq qalalyq turǵyn úı-kommýnaldyq sharýashylyq bóliminiń jyl boıǵy kún tártibinde turǵan bolatyn, - deıdi Gabdolla Beısekeev.
Aıta keteıik, Pavlodar qalasynda qoǵamdyq kólikterdegi jolaqysy 80 teńgege deıin ósken bolatyn. Ekibastuz qalalyq ákimdiginiń málimetinshe, 1 aqpannan bastap stýdentter úshin avtobýstardaǵy jolaqysy 50 paıyzǵa arzandaıtyn bolady.
Sonymen qatar, aqpanynan bastap ekibastuzdyq polıtsııa ókilderi qyzmet babymen júrgen jaǵdaıda qyzmettik kýáligin kórsetý arqyly qoǵamdyq kólikterde tegin júrý múmkindigine ıe bolmaq. Aldaǵy kúnderde jaýapty tasymaldaýshylarmen tıisti memorandýmǵa qol qoıylady.
