Ekibastuzda apıyn daıyndaǵan áıel týǵan kúninde qamaýǵa alyndy
ASTANA. QazAqparat - Ekibastuz qalalyq soty óz qolyman apıyn daıyndaǵan 33 jastaǵy Anastasııa Syrbty alty jylǵa bas bostandyǵynan aıyrdy.
Іs materıalyndaǵy derekterge súıensek, qalalyq ishki ister departamentiniń esirtki bıznesimen kúres jónindegi basqarmasynyń qyzmetkerleri "qylmystyq is-áreketti qoldan jasaý arqyly" áıeldiń izine túsken, dep habarlaıdy pavlodarnews.kz .
Oblystyq sottyń baspasóz mamandarynyń málimetinshe, polıtseıler Nastıanyń mekenjaıyn anyqtap, onyń qylmysyn dáleldeý úshin bir jas jigitti satyp alýshy retinde jibergen. Ózin Dmıtrıı dep tanystyrǵan ol kezdesý barysynda jazý qurylǵysyn paıdalana otyryp, qyzdyń ekstraktsııalyq apıyn daıyndaıtynyn anyqtaǵan. Er adam onyń úıine ekinshi ret kelgende aqsha qaldyryp, esirtki bar shprıtsterin satyp alady. Ol kezde Anastasııa óziniń týǵan kúnine keletin qonaqtardy kútýge daıyndalyp jatqan. Biraq onyń qýanyshy uzaqqa sozylmady. Úıge jastar endi jınala bergende polıtseıler kirip kelgen.
«Áıelge esirtki zattaryn zańsyz daıyndap, satýmen aınalysty jáne saqtady degen aıyp taǵylyp, alty jylǵa bas bostandyǵynan aıyryldy. Sondaı-aq, múlki tárkilendi. Shyǵarylǵan úkim zańdy kúshine endi. Qylmysker jalpy rejimdegi kolonııady jazasyn óteıdi. Sonymen qatar memleketke 97 myń teńge tóleý mindetteldi», - deıdi oblystyq sottyń baspasóz hatshysy Aıgerim Súleımenova.
