Ekibastuzda anasyn balaǵattaǵan turǵyn jaýapkershilikke tartyldy
EKІBASTUZ. QazAqpart - Jyl basynan beri Ekibastuzda otbasylyq-turmystyq qatynastar salasyndaǵy quqyq buzýshylyqtar úshin 171 azamat ýchaskelik polıtsııa ınspektorlarymen jaýapkershilikke tartyldy, dep habarlaıdy Pavlodarnews.kz.
Oblystyq polıtsııa departamenti baspasóz qyzmetiniń málimdeýinshe, Ekibastuzda otbasy-turmystyq qatynastar salasynda quqyq buzýshylyqqa jol bergen 623 tulǵaǵa qatysty qorǵaý uıǵarymdary shyǵaryldy. Nusqamany buzǵany úshin 43 quqyq buzýshy ákimshilik jaýapkershilikke tartyldy.
«Ekibastuz qalasynda áıel adam óz úıinde mas kúıde janjal shyǵaryp, óz atyna balaǵat sózder aıtqan ulyna qatysty shara qoldaný týraly polıtsııaǵa júgindi. Jábirlenýshini qorǵaý maqsatynda 30 táýlik merzimge qorǵaý uıǵarymy shyǵaryldy», - dedi baspasóz qyzmetinde.
Qalanyń mamandandyrylǵan ákimshilik soty turmystyq saladaǵy quqyqqa qarsy áreketteri úshin ákimshilik isterdi qarastyrý kezinde 69 quqyq buzýshyǵa qatysty minez-qulqyna erekshe talaptar qoıdy.
