Ekibastuzda alyp sábı dúnıege keldi
EKІBASTUZ. QazAqparat - Ekibastuzdaǵy perzenthanada alyp sábı týdy. Onyń dúnıege kelgen sátindegi salmaǵy 5,9 kılogramdy qurady, dep habarlaıdy QazAqparat tilshisi.
Jańa týǵan sábıdiń anasy Olesıa Býnınanyń aıtýynsha, salmaǵy aýyr balanyń týatynyn kópten kútip júrgenmen, salmaǵy osynsha bolady dep oılamapty.
«Kúıeýimiz ekeýimizdiń de boıymyz bıik, buǵan deıingi qyzdarym da deneli bop týdy. Dárigerler maǵan balań úlken dep eskertti. Biraq mundaı salmaqty eshkim boljaǵan joq. Júrip-turýym qıyn boldy. Ákesiniń de qýanyshynda shek joq, al týystarymyz azdap eseńgirep qalǵany ras», - deıdi Olesıa Býnına.
Qazir Savelıı men anasyn dárigerler úıine jiberdi. Perzenthanadaǵylardyń aıtýynsha, sońǵy jyldary salmaǵy aýyr sábılerdiń týýy jıileı bastaǵan.
