Ekibastuzda alyp bala dúnıege keldi
EKІBASTUZ. QazAqparat - Ekibastuz qalasynda bıylǵy jyly salmaǵy alty kelige jýyq ekinshi bala dúnıege keldi. Bul týraly Ekibastuz perzenthanasynyń bas dárigeri Gúlnar Býrataeva aıtty, dep habarlaıdy pavlodarnews.kz.
«23 sáýir kúni salmaǵy 5,9 keli, boıy 69 santımetr ul bala týdy», - deıdi Gúlnar Býrataeva. - Ana men balanyń jaǵdaıy jaqsy. Perzenthanadan úıine shyǵarylǵan. Buǵan deıin eki balasyn ózi týǵan. Osy joly akýsherlik kórsetkishter boıynsha iri bala týylatyny aldyn ala eskertilgen. Sondyqtan kesir tiligi arqyly alyndy».
Bas dáriger sońǵy kezderi dúnıege keletin iri salmaqty sábılerdiń sany artqanyn atap ótti. - Ótken jyly mundaı úsh bala týǵan, - deıdi ol. Bıyl buǵan deıin sáýir aıynda bes keliden asatyn balǵyn jaryq dúnıe esigin ashqan. Salmaǵy bes keliden asqanda «gıgant balalar», tórt keliden asqanda «iri balalar» dep ataıdy. Mundaı jaǵdaı kóbinese áıelderdiń tamaqtanýyna, az qozǵalýyna baılanysty oryn alyp jatady. Sonymen qatar, qant dıabetine shaldyqqan jandar da kezdesedi jáne tuqym qýalaýshylyqtyń da áseri bar.
