Ekibastuzda áli de 26 kópqabatty úı men mektepter jylýǵa jarymaı otyr
Oblys ákimi baspasóz qyzmetiniń málimetinshe, Ekibastuz JEO ońtaıly parametrlerge shyǵarylǵany belgili, alty qazandyq 74/43 °S temperatýra deńgeıinde jylý beredi.
Sonymen qatar, qalada «sońǵy» dep atalatyn 26 kópqabatty úı bar, olar qabyldanyp jatqan barlyq sharalarǵa qaramastan júıeli túrde jylýǵa jarymaı otyr.
Asaıyn Baıhanov osy úılerdi aralap kórdi.
Munda jylýmen jabdyqtaýdyń ishki júıelerin baptaý bastaldy.
Jylý berý parametrlerin jaqsartý maqsatynda «Ekibastuzjylýenergııasy» JShS mamandary olardy jýý jáne shaıý jumysyn júrgizedi.
Jumysty 10 kún ishinde aıaqtaý josparlanyp otyr.
Osyndaı jumys jekelegen bilim mekemelerinde uıymdastyrylǵan. Bul mektepter jylynǵannan keıin shtattyq rejımde jumysqa qaıta oralady.
Kenshiler qalasyn jylytýdy qalypqa keltirý Pavlodar oblysy ákimdiginiń erekshe baqylaýynda.