Ekibastuzda áli 20 úı sýsyz otyr - ákimdik

EKІBASTUZ. QazAqparat – Biz 28 úıdiń segizinde sý júıelerin qalpyna keltirý jumystaryn aıaqtadyq. Bul týraly BAQ ókilderiniń qatysýymen ótken brıfıngte Ekibastuz qalasynyń ákimi Aıan Beısekın aıtty, dep habarlaıdy QazAqparat tilshisi.

«Aldymyzda turǵan taǵy bir másele – bul páterlerdi sýyq sýmen qamtamasyz etý. 28 úıdiń segizinde biz sý júıelerin qalpyna keltirý jumystaryn aıaqtadyq. Endi basqa úıler boıynsha jumystar jalǵasýda. Jumystar túnimen júrgiziledi», - dedi Aıan Beısekın.

Sonymen qatar, 5a shaǵynaýdanda ornalasqan bir jylý qubyry tolyq qatyp qalǵan. Shahar basshysynyń aıtýynsha, ony qazyp, ornyna jańasyn salý jumystary kóp ýaqytty qajet etedi. Sondyqtan jedel shtab sheshimimen jańa qubyrdy jerdiń ústimen ótkizý sheshimi qabyldanǵan.