Ekibastuzda alǵashqy STEM-zerthanasy ashyldy
ASTANA. QazAqparat - Ekibastuz qalasyndaǵy kóp profıldi baǵyttaǵy №24 mektep-gımnazııasynda jańa STEM- zerthanasy ashyldy, dep habarlaıdy pavlodarnews.kz.
Bul kenshiler shaharyndaǵy mundaı alǵashqy kabınet.
Bilim ordasynyń dırektory Quralaı Rahmetjanova STEM- zerthanasynda oqý tórt baǵytta júrgiziletinin atap ótti. Ol ınjenerııa, baǵdarlama, robototehnıka, 3D-modeldeý baǵyttary.
«Oqýshylar zamanaýı tehnologııalardy meńgerip, robot, mashına jasaý jáne ǵylymı-zertteý jobalarymen jumys jasaýǵa múmkindik aldy. «Tsıfrlyq Qazaqstan» memlekettik baǵdarlamasyn júzege asyrý maqsatynda esigin aıqara ashqan kabınettiń ashylýyna «Eýroazııattyq energetıkalyq kooporatsııasy» AQ demeýshilik jasady», - dedi Quralaı Rahmetjanova.
Aıta keteıik, kóp profıldi №24 mektep-gımnazııasynyń irgetasy 1993 jyly qalanǵan. Qazirgi tańda mektepte 702 oqýshy bilim alady. Daryndy oqýshylar robotehnıka konkýrstarynda júldeli oryndarǵa ıe bolyp ta úlgergen. Máselen, ótken jyly atalmysh mekteptiń oqýshylary qalalyq festıvalde jeńiske jetip, Qaraǵandy qalasynda ótken respýblıkalyq jarysta baqtaryn synaǵan.
