Ekibastuzda áleýmettik nysandarǵa jylý berýdi qalpyna keltirý jumystary jalǵasyp jatyr
Qazir qalǵan úsh nysanǵa: №10 JOM, №25 jáne №4 balabaqshalarǵa jylý berý júıesi jetkizildi. Bul nysandarda ishki jylý berý tetikteri, ıaǵnı qubyrlar men jylytý radıatorlaryn aýystyrý jumystary júrgizilip jatyr. Jumystar búgin kún sońyna deıin aıaqtalady dep josparlanǵan.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.
Keıin jylý qazandyǵynyń isten shyǵýyna baılanysty oblys ákimi bastaǵan jedel shtab quryldy.
Ekibastuz qalasynyń oqýshylary onlaın oqýǵa kóshirildi.
28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.
Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııalardyń jetkiliksizdigi ataldy.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldaryn joıý jónindegi jumystar aıaqtalǵansha Ekibastuzda bolatyny habarlandy.
Búgin Roman Sklıar telefon arqyly Úkimet basshysy Álıhan Smaıylovqa qalalyq jylý jelilerindegi apattyń zardaptaryn joıý barysy týraly baıandady.
Al, búgin Prezıdent Qasym-Jomart Toqaev Ekibastuzdaǵy jóndeý jumystarynyń barysy týraly Premer-Mınıstrdiń baıandamasyn tyńdady.