Ekibastuzda 75 metr bıiktikten qulaǵan er adam sektada turǵan
ASTANA. QazAqparat - Ekibastuz qalasy Solnechnyı kentinde 33 jastaǵy er adamnyń ólimine qatysty júrgizilgen tergeý nátıjesinde qaıǵyly oqıǵanyń eńbek jaǵdaıymen baılanysty bolmaǵany anyqtalǵan, dep habarlaıdy pavlodarnews.kz.
Memlekettik ınspektor Abylaı Sabyrovtyń aıtýynsha, arnaıy qurylǵan komıssııa jumysshylar arasynda tekseris júrgizip, dánekerleýshi "MAES-2" stantsııasynda 75 metr bıiktikten ózdiginen sekirip ketti degen qorytyndy shyǵarǵan.
«Bıik munaraǵa shyǵý onyń mindetine kirmegen, - deıdi memlekettik ınspektor. - Óndirispen esh baılanysy joq. Bul - sýıtsıd».
Áriptesteriniń aıtýynsha, er adam "Orden Hrama Solntsa" sektasynyń quramynda bolǵan. Bul sektanyń negizgi oıy - ólim degen adamnyń qııaly-mys. Sondyqtan óz-ózine qol jumsaý arqyly birbetkeı jankeshtiler basqa álemde qaıta dúnıege keledi.
