Ekibastuzda 72 páterlik jańa turǵyn úı paıdalanýǵa berildi

PAVLODAR. QazAqparat - Ekibastuzdyq 72 otbasy jańa úıdiń turǵyndary atandy. Jańa qonysqa ıe bolǵan jandardy Pavlodar oblysynyń ákimi Bolat Baqaýov quttyqtady, dep habarlaıdy pavlodarnews.kz .  

Aımaq basshysy Táýelsizdik merekesi qarsańynda turǵyndarǵa jańa úılerdiń kiltin tabystaýǵa qýanyshty ekenin atap aıtty. Sonymen qatar, óńir basshysy keler jyldaǵy turǵyn úı qurylysyn damytý josparlarymen bólisti. - Memleket basshysy bizge ár otbasynyń baspanaly bolýyn júktedi, - dedi Bolat Baqaýov. - Bul mindetti barynsha oryndaýǵa tyrysýdamyz. Ótken jyly 184 myń sharshy metr úı salynsa, bıyl kórsetkish 210 myń sharshy metrge jetip otyr. Keler jyly 300 myń sharshy metr turǵyn úı salýdy josparlaýdamyz".

 Jańa úıde kólemi 3,6 myń sharshy metrden asatyn 36 bir bólmeli, 20 eki bólmeli jáne 16 úsh bólmeli páter bar. Qurylys baǵasy shamamen 560 mıllıon teńgeni qurady. Toǵyz qabatty úıdiń qurylysy aqpan aıynda bastalyp, qarasha aıynda aıaqtaldy.