Ekibastuzda 6 jasar bala terezeden qulap ketti
EKІBASTUZ. QazAqparat - Ekibastuzda ekinshi qabattan búldirshin qulap ketti. Qazir 6 jasar ul bala jansaqtaý bóliminde jatyr, dep habarlaıdy QazAqparat tilshisi.
«Bala asa aýyr halde jatyr, ol ekinshi qabattyń terezesinen qulap ketken. Jansaqtaý bóliminde jatqanyna búgin ekinshi kún boldy», - dedi qalalyq aýrýhana bas dárigeriniń orynbasary Svetlana Podzorova.
Eske salaıyq, Ekibastuzda jaz bastalǵaly osyndaı birneshe oqıǵa boldy. Dárigerler men qutqarýshylar qala turǵyndarynan terezelerge arnaıy blokıratorlardy ornatýlaryn suraıdy. Ol terezeni tolyqtaı ashýǵa múmkindik bermeıdi. Osyǵan baılanysty Ekibastuzdaǵy balabaqshalarda jınalystar ótkizilip, onda kóp qabatty úılerdegi qaýipsizdik sharalary týraly aıtyldy.
