Ekibastuzda 50 myń teńge para alǵan basshy 1 mln teńge aıyppul tóleıdi

NUR-SULTAN. QazAqparat - Ekibastuzda sáýlet jáne qala qurylysy bóliminiń basshysy paramen sottaldy, dep habarlaıdy QazAqparat tilshisi.

Bul týraly QR Sybaılas jemqorlyqqa qarsy is-qımyl agenttigi Birinshi deparatmentiniń aǵa tergeýshisi Danııar Bekaıdarov aıtty.

«Pavlodar oblysynyń Sybaılas jemqorlyqqa qarsy qyzmeti «Ekibastuz qalasynyń sáýlet jáne qala qurylysy bólimi» MM burynǵy basshysy J.S. Aqbolınge qatysty sotqa deıingi tergeýdi aıaqtady. Ol jeke úıge qosymsha jer telimin rásimdegeni úshin 50 myń teńge para aldy dep kúdikke ilindi», - dedi aǵa tergeýshi agenttiktiń baspasóz ortalyǵynda ótken brıfıngte.

2020 jyldyń 11 aqpanynda Pavlodar oblysy Ekibastuz qalalyq sotynyń úkimimen Aqbolınge 1 mln 250 myń teńge aıyppul salynyp, memlekettik qyzmette jumys isteý quqyǵynan ómir boıyna aıyryldy.