Ekibastuzda 32 jastaǵy er adamdy atyp ketken kúdikti izdestirilip jatyr

EKІBASTUZ. QazAqparat - Pavlodar oblysynda Ekibastuz qalasynyń turǵynyn belgisiz bireýler atyp ketti, dep habarlaıdy QazAqparat polıtsııaǵa silteme jasap.

15 mamyr saǵat 17:40 shamasynda Ekibastuz polıtsııasyna Máshhúr Júsip kóshesindegi medıtsınalyq ortalyqtyń janynda áıel adam kómek surap jatqany týraly habar tústi.

Atalǵan mekenjaıǵa dereý jedel-tergeý toby jiberildi.

Oqıǵa ornyna kelgen polıtsııa qyzmetkerleri beınebaqylaý kameralarynan jazbalardy alyp, zerdeledi.

Beımálim adam belgisiz atys qarýynan Ekibastuz qalasynyń 32 jastaǵy turǵynyna oq atqany belgili boldy. Er adam aýrýhanaǵa jatqyzyldy.

Oqıǵanyń mán-jaıy men sebepteri anyqtalyp jatyr.

QR QK 24-baby 3-bóligi, 99-baby 2-bóligi 9-tarmaǵy, 293-baby 3-bóligi 2-tarmaǵy boıynsha sotqa deıingi tergeý bastaldy.

Kúdiktilerdiń biri ustalyp, ÝUI-ǵa qamaýǵa alyndy.

Ekinshi kúdiktini ustaý boıynsha jedel-izdestirý sharalary júrip jatyr.