Ekibastuzda 130-dan astam kópqabatty úıge jyly sý berildi

EKІBASTUZ. QazAqparat – Búgin Ekibastuzdaǵy 137 kópqabatty turǵyn úıge jyly sý berildi. Bul týraly «Ekibastuzjylýenergo» JShS Telegram-kanaly jazdy, dep habarlaıdy QazAqparat.

«Ekibastuzjylýenergo» JShS-dan málimdegendeı, 24 sáýirden bastap qalada qubyrlardyń álsiz ýchaskelerin anyqtaý úshin jylý jelileriniń beriktigine tórt kún boıy gıdravlıkalyq synaqtar júrgizildi.
«Nátıjesinde 269 zaqym anyqtaldy. Qazirgi ýaqytta 100-den astamy qalpyna keltirildi, osyǵan baılanysty qaladaǵy 137 kópqabatty turǵyn úıge jyly sý berildi. Jyly sý josparly túrde qosylady, 25 mamyrǵa deıin taǵy 220 kópqabatty turǵyn úıdiń turǵyndary alady», - delingen habarlamada.
Jyly sýdyń berilý kestesi kásiporyn Telegram-kanalynda jarııalanǵan.