Ekibastuz jylý stansasynyń bir bóligi Klebanovtyń menshiginde qalady
BAQ ókilderi mınıstrden Aleksandr Klebanov ıelik etip kelgen Ekibastuz jylý stansasyn memleketke qaıtarý isi qalaı júrip jatqanyn surady.
«Bul máseledegi bizdiń qısyn mynandaı. Jylý qazandyqtary, ıaǵnı qalany jylýmen jabdyqtaýǵa qatysatyn negizgi qondyrǵylar qazirdiń ózinde ákimdik balansyna berilgen. Bul nysannyń qysqa daıyndyǵyn qamtamasyz etý úshin jasaldy. Iá, jylý stasasynyń ıesine qatysty, stansany qoldanýǵa qatysty mańyzdy máseleler bar. Baqylaý bolý úshin jergilikti ákimdik jaýapkershilikti ózine alyp otyr», - dedi mınıstr.
Onyń aıtýynsha, memleket jylý nysanynyń aktsıoner menshiginde qalǵan bóligine qarjy salýyn qatań qadaǵalamaq.
«Stansanyń qalǵan bóligi aktsıonerdiń qolynda qalady. Buǵan deıin de aıtqanymdaı, menshik ıeleri energetıkalyq nysandy jańǵyrtyp, jóndeý jumystaryna óz qaltasynan aqsha salyp, qamtamasyz etýge kómektesedi», - dedi Energetıka mınıstri.
Buǵan deıin Almasadam Sátqalıev «Ekibastuzjylýenergo» mekemesi jylý maýsymyn qajetti deńgeıde ótkermegeni úshin tólegen aıyppul kólemi turǵyndarǵa tıgen zalalmen salystyrýǵa kelmeıtinin aıtqan bolatyn.
Eske salsaq, byltyr 27 qarashada Ekibastuz JEO-syndaǵy tórt qazandyq isten shyǵyp, qala jylýsyz qalǵan edi.
