Ekibastuz jylý elektr ortalyǵyndaǵy eki qazandyq agregaty jóndeldi

EKІBASTUZ. QazAqparat – Ekibastuz jylý elektr ortalyǵyndaǵy eki qazandyq agregatyn jóndeý aıaqtaldy, dep habarlaıdy QazAqparat Pavlodar oblysy ákiminiń baspasóz qyzmetine silteme jasap.

Jóndeý jumystary Ekibastuz JEO-nyń eki qazandyq agregatynda aıaqtaldy: №7 (kúrdeli jóndeý) jáne №9 (aǵymdaǵy jóndeý). №11, №14 jáne №15 qazandyqtarynyń eski jabdyqtaryn bólshekteý tolyǵymen atqaryldy. №12 jáne №13 qazandyqtarynda bólshekteý jáne aqaýdyń sebebin anyqtaý jumystary júrgizilip jatyr.

Jabdyqtardy jańartýmen qatar, stantsııa nysandary da jóndeledi. EJEO bas ǵımaratynyń jylý kontýryn qalpyna keltirý úshin qurylymǵa tehnıkalyq tekserý júrgizildi, buzyp alyp tastaýǵa jáne aýystyrýǵa jatatyn qabyrǵa jáne tóbe plıtalarynyń kartasy jasaldy. Jumystarǵa ónerkásiptik alpınıster, mamandandyrylǵan jabdyqtar men tehnıka jumyldyrylǵan. Jumystardy jazdyń sońyna deıin aıaqtaý josparlanyp otyr.

Jylý magıstraldaryn rekonstrýktsııalaý jumystary kestege sáıkes ýaqtyly júrgizilip keledi. Búginde munda 2 400 metrden astam qubyr ornatylǵan.

Óńir basshysy Asaıyn Baıhanov JEO-daǵy jóndeý naýqanynyń barysyn tekserip, jumys qarqyny men sapasyn tómendetýge bolmaıtynyn atap ótti. Óıtkeni, aldaǵy jylý berý maýsymdarynyń sátti ótýi barlyq baǵyttaǵy úılesimdi jumysqa baılanysty.