Ekibastuz JES-inde kezekti apat: taǵy bir qazandyq búgin iske qosylady - mekeme basshylyǵy

EKІBASTUZ. QazAqparat – Ekibastuz jylý elektr stantsııasynda 7 qańtarǵa qaraǵan túni shtattan tys jaǵdaı bolyp, 3 qazandyq toqtatylǵan. Olardyń ekeýi iske qosyldy, dep habarlaıdy QazAqparat qala ákimdiginiń ınstagramdaǵy paraqshasyna silteme jasap.

Shtattan tys jaǵdaı bolyp, jumys istep turǵan 3 qazandyq toqtatyldy. Jóndeý jáne tehnologııalyq personaldyń jedel áreket etýimen 2 qazandyq tańerteń iske qosyldy, 5 qazandyq istep tur. Qalaǵa jylý berý temperatýrasy 47 gradýsqa deıin tómendetilgen bolatyn. Qazir temperatýra kóterilip jatyr. Jaǵdaı baqylaýda jáne turaqtalyp keledi. Táýliktiń sońyna deıin taǵy 1 qazandyq jóndelip, iske qosylady. Sondaı-aq, jylý bolmaǵan kezeńdegi tutynylǵan jylý energııasy úshin tólemaqy qaıta esepteledi, -

deıdi «Pavlodarenergo» AQ bas dırektorynyń m.a. Vadım Lesın.

Eske sala keteıik, 31 jeltoqsan kúni Ekibastuz qalasynda «Qalalyq sý arnasy» kásipornyndaǵy jóndeý jumystary kezinde JEO-ǵa arnalǵan dıametri 500 mm bolatyn tehnıkalyq qubyr jaryldy. Apat saldaryn joıýǵa Pavlodar oblysy TJD qyzmetkerleri jumyldyryldy.

Bul jaǵdaıǵa deıin 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy. 28 qarasha kúni tańerteń qalada jergilikti aýqymdaǵy tótenshe jaǵdaı jarııalandy. Bas prokýratýra Ekibastuzdaǵy apatty tergeý eki aıǵa deıin sozylatynyn málim etti.