Ekibastuz JEO-syndaǵy negizgi qazandyq keler aptada jóndeýden ótýi múmkin

ASTANA. QazAqparat – Ekibastuz jylý elektr ortalyǵynda bolǵan apatqa baılanysty Pavlodar oblysynyń ákimi Asaıyn Baıhanov jedel shtabtyń otyrysyn ótkizdi. Jınalys barysyn óńir basshysy óziniń áleýmettik jelidegi resmı paraqshasynda jarııalady, dep habarlaıdy QazAqparat tilshisi.

«Qazirgi tańda stantsııada 6 qazandyq jumys istep tur. Olardyń úsheýi – bý, úsheýi – energetıkalyq qazandyq. Stantsııadan shyǵatyn jylý gradýsy – 71, al jylýdyń ortalyqqa qaıta keletin qubyrlaryndaǵy gradýs – 47. Apatty jaǵdaı keshe keshke tolyq joıyldy. Stantsııa 60 gradýstyq jylý parametrine tańǵy 6:00 shamasynda jetti. Qazir №14 qazandyq jóndeýden ótip jatyr. Ol búgingi kúnniń sońyna deıin iske qosylady», - dedi Ortalyq-Azııa energetıkalyq korporatsııasy bastyǵynyń óndiris jónindegi orynbasary Leonıd ıAnýshko.

Onyń aıtýynsha, JEO-da kómir men mazýt qory jetkilikti. Sońǵy kúnderi Pavlodardan qosymsha 90 tonna mazýt ákelingen.

«Jalpy, stantsııadaǵy barlyq qurylǵylardy jóndeý jylý berý maýsymynan tys ýaqyttarǵa josparlanǵan. Degenmen, keler aptada aýa temperatýrasy jylynýy múmkin. Sol ýaqytta negizgi №12 qazandyqty jóndeýden ótkizýdi josparlap otyrmyz. Bul jumystarǵy 3-4 kún qajet bolady. Keıin bul qazandyqty rezervke qoıý nemese birden iske qosý máselesin pysyqtaımyz», - dep baıandady Leonıd ıAnýshko jedel shtabtyń otyrysynda.

Jıyn barysynda Pavlodar oblysynyń ákimi Asaıyn Baıhanov qazir úıler men áleýmettik nysandardaǵy jylý parametrlerin kóterýdi tapsyrdy.

Foto: primeminister.kz