Ekibastuz JEO-synda zaqymdalǵan qubyrdy jóndeý aıaqtaldy

ASTANA. QazAqparat – Ekibastuzdaǵy jylý elektr ortalyǵynda zaqymdalǵan jelilik sý qubyryn jóndeý aıaqtaldy. Bul týraly «Ekibastuzjylýenergo» jaýapkershiligi shekteýli seriktestiginen málim etti, dep habarlaıdy QazAqparat tilshisi.

«Saǵat 16:30-da zaqymdalǵan qubyr bóligin jóndeý aıaqtaldy. Tolyq sýmen toltyrylǵan soń qazandyqtar iske qosylady. Bul jumystardy saǵat 20:00-ge deıin aıaqtaý josparlanǵan. Osylaısha, stantsııada 6 qazandyq qaıta jumys isteı bastaıdy», - delingen kásiporyn tartqan habarlamada.

«Ekibastuzjylýenergo» JShS málimetinshe, saǵat 00:00 shamasynda stantsııadaǵy jylý berý parametrleri 60/40°S kórsetkishine jetedi.

Qosa ketsek, buǵan deıin Premer-Mınıstrdiń birinshi orynbasary Roman Sklıar Ekibastuzda qazandyqtardyń isten shyǵýy jıilep ketkenin aıtqan bolatyn.