Ekibastuz JEO-synda apat bolyp, qala turǵyndary jylýsyz qaldy

ASTANA. QazAqparat - Búgin túnde, saǵat 01:20 shamasynda, Ekibastuz JEO-syndaǵy bir qazandyq isten shyǵyp, on mınýttan keıin taǵy úsheýi toqtady, dep habarlaıdy QazAqparat Instagramdaǵy Ekibastuz Live paraqshasyna silteme jasap.

Turǵyndardyń aıtýynsha, qazir úılerdegi aýa temperatýrasy +10 gradýstan aspaıdy, al dalada aýa temperatýrasy -35 gradýs bop tur.
«Saǵat 01:30-da jelilik sýdy kóp tutynýǵa baılanysty №13, 14, 15 qazandyq agregattary toqtap qaldy. Qazirgi ýaqytta №8 jáne №14 qazandyq qondyrǵylary iske qosylýda. Jóndeý brıgadalary uıymdastyryldy. Jaqyn arada parametrler qalpyna keltiriledi», - dep habarlady JEO-dan.
Jylý ortalyǵy turǵyndardan qubyrlar áli sýymaǵan, úı jalpy jylý júıesinen ajyratylmaǵan bolsa, jaǵdaıdy ýshyqtyrmaýdy jáne sýdy aǵyzyp jibermeı tura turýdy suraıdy. Jylý berýshiler qazandyqtar iske qosylǵan soń turǵyndarǵa qubyrlardy jylytyp, buzylǵan jerlerdi jóndeýge kómektesýge ýáde berdi.

Foto: instagram.com/ete_ekb