Ekibastuz turǵynynan qapshyq toly esirtki tabyldy

PAVLODAR. QazAqparat - Ekibastuzda iri kólemde esirtki alyp júrgen áıel ustaldy. Atalmysh faktige qatysty QR QK 296-babynyń 4-bólimi boıynsha sotqa deıingi tergep tekserý júrgizilýde, dep habarlaıdy QazAqparat Ravlodarnews.kz saıtyna silteme jasap.

- Jedel izdestirý is-sharalaryn júrgizý kezinde 38 jastaǵy áıel adam bolǵan «Mazda Kronýs» avtokóligi toqtatyldy. Tekserý barysynda avtomobıldiń salonynan jolaýshyǵa tıesili qapshyq tabyldy. Qapshyqtyń ishinde erekshe ıisi bar zat salynǵan úsh polıetılen paket anyqtaldy. Saraptama nátıjesine sáıkes, alynǵan zat salmaǵy 8 keliden asa marıhýana bolyp shyqqan, - deıdi Pavlodar oblysy polıtsııa departamentiniń bastyǵy Nurlan Másimov.

Ustalǵan turǵyn Ekibastuz qalasynyń ýaqytsha ustaý ızolıatoryna qamaldy.
2021 jyly jedel ýákilder esirtkiniń zańsyz aınalymy salasynda 50 qylmysty anyqtady. Onyń 48-i esirtki quraldary men psıhotropty zattardy ótkizýmen baılanysty.