Ekibastuz turǵyny alıment tóleýden jaltarǵany úshin páterinen aıyryldy
NUR-SULTAN. QazAqparat - Pavlodar oblysynyń jeke sot oryndaýshysy alıment boıynsha qaryzy úshin Ekibastuz qalasy turǵynynyń 4 bólmeli páterin satty, dep habarlaıdy QazAqparat.
QR Ádilet mınıstrliginiń málimetinshe, 2016 jyldan beri nemquraılyq tanytqan áke balasyna jalpy somasy 2,2 mln teńge mólsherinde alıment qaryz bolyp qalǵan.
«Boryshker birneshe ret jeke sot oryndaýshysyna shaqyrylyp, balasyn asyraýǵa alıment tóleý qajettiligi týraly eskertildi. Alaıda, ol sot sheshimin nazarǵa almaı, týǵan balasyna kómektesýge asyqpady. Osyǵan baılanysty Pavlodar oblysynyń jeke sot oryndaýshysy Ekibastuz qalalyq sotyna jyljymaıtyn múlikti óndirip alý týraly usynym berdi. Keıinnen elektrondyq aýktsıon qorytyndysy boıynsha joǵaryda atalǵan páter 4,6 mln teńgege satyldy. Jeke sot oryndaýshysynyń is-áreketiniń arqasynda bala zańmen belgilengen 2,2 mln teńge mólsherindegi qarajatqa ıe boldy. Qalǵan soma boryshkerge qaıtaryldy», - dep atap ótedi vedomstvodan.
