Ekibastuz turǵyndarynyń shyǵynyn memleket pen JEO ıesi bólip tólesin – Qasym-Jomart Toqaev

ASTANA. QazAqparat – QR Prezıdenti Qasym-Jomart Toqaev Úkimettiń keńeıtilgen otyrysynda Ekibastuz turǵyndaryna jylý jelisindegi apattyń shyǵyndaryn kim óteıtinin aıtty, dep habarlaıdy QazAqparat tilshisi.

«Ekibastuz turǵyndarynyń shyǵyndaryn óteýge ketetin shyǵyndar menshik ıesi men respýblıkalyq bıýdjet arasynda bólinýi kerek. Úkimetke keıingi jyldary ıesi eshqandaı áreket jasamaǵan, jaǵdaıy shetin árbir nysannyń jaǵdaıyn keshendi qarap, árqaısysy boıynsha jeke sheshim qabyldaý kerek. Dál osyndaı jumysty jergilikti deńgeıde óńir ákimderi atqarsyn», - dedi Prezıdent.

Aıta keteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.

Jıyn barysynda elimizdiń bıylǵy áleýmettik-ekonomıkalyq damýynyń negizgi kórsetkishteri týraly esep beriledi jáne Úkimettiń 2023 jylǵa arnalǵan jumys jospary qarastyrylady dep josparlanyp otyr.

Foto: Konstantın Shelkov