Ekibastuz turǵyndarynyń shyǵyny qalaı óteledi
«Qala boıynsha 12 jylytý beketi bar. Onyń ishinde 7 bekette turǵyndardan ótinish qabyldanady. Ótinishte zalaldyń sebebi men kelgen shyǵyn kólemin naqty kórsetýi tıis. Eger úı ıesi kelgen zalaldy óz esebinen ótep, jóndegen jaǵdaıda fıskaldyq chek talap etiledi. Turǵyndardyń ótinishi negizinde arnaıy komıssııa isti úsh kún boıy qaraıdy. Sodan soń shyǵyn óteledi», - dedi qala basshysy Aıan Beısekın shtabtyń baspasóz máslıhatynda.
Óz kezeginde Pavlodar oblysy ákiminiń mindetin ýaqytsha atqarýshy Oleg Krýk apat shyǵynyn esepteý jumysynyń bastalmaǵanyn aıtty.
«Shyǵyn kólemin esepteý áli bastalǵan joq. Apatty qalpyna keltirý jumystary júrip jatyr. Sodan soń ǵana ákimdik zalaldy anyqtaý jumysyn qolǵa alady. Turǵyndardan 2 myńnan astam ótinish tústi. Biraq, naqty sandy aıta almaımyn», - deıdi ol.
Buǵan deıin qala basshysy Ekibastuzda 12 úıge jylý ishinara qosylǵanyn habarlaǵan edi.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.
Keıin jylý qazandyǵynyń isten shyǵýyna baılanysty oblys ákimi bastaǵan jedel shtab quryldy.
Aıta ketsek, jedel shtabtyń búgin tústegi aqparatyna sáıkes, Ekibastuzdyń kópqabatty 71 problemaly úıdiń jertólesindegi toraptarǵa jylý berildi.