Ekibastuz turǵyndary qarańǵy kóshede buzaqydan boıjetkendi qutqaryp qaldy
PAVLODAR. QazAqparat – Ekibastuzdyq jastar boıjetkenge shabýyldaǵan er adamdy polıtsııaǵa ustap berdi, dep habarlaıdy QazAqparat tilshisi.
«Batyl jigitterdiń arqasynda kúdikti on mınýttyń ishinde ustalǵan. Oqıǵa 30 tamyz kúni keshkisin, Ekibastuzdaǵy aýlalardyń birindi bolǵan», - dep habarlady Pavlodar oblystyq polıtsııa departamentiniń baspasóz qyzmeti.
Polıtsııanyń deregi boıynsha, Ekibastuzdyń jas turǵyny keshkisin bokspen aınalysyp, úıine qaıtyp kele jatqan.
«Sheshembekov kóshesi, 15-úıdiń aýlasynan ótip bara jatqanda onyń aldynan belgisiz er adam shyǵyp, telefonmen sóılesip kele jatady. Ol telefonmen boıjetkenniń syrtqy kelbetin talqylap, onyń arty janjalǵa ulasady. Er adam boıjetkendi jaraqattaıdy», - dedi polıtsııada.
Boıjetken aıqaılap, kómek suraǵan kezde er adam aýlaǵa qaraı qashyp ketedi. Ony sol jerden kezdeısoq ótip bara jatqan jigitter ustap alady.
«Qyz qatty qorqyp qalǵan, jylap, kómek surap jatty. Biz ony ustamaq bolǵanda ol qarsylyq bildirip, qashyp ketpekshi boldy. On mınýttyń ishinde ony polıtseılerge berdik», - dedi qaskúnemdi ustaǵan jastardyń biri.
Polıtsııada atap ótkendeı, bul jaǵdaı QR QK 293-baby 1-bóligi «Buzaqylyq jasaý» boıynsha tergelip jatyr. Ekibastuz polıtsııa basqarmasy bastyǵynyń mindetin atqarýshy Elnur Buqaev jigitterge alǵys hat pen baǵaly syılyqtar tabystady.
