Ekibastuz turǵyndary evakýatsııalana ma – ákim jaýaby

EKІBASTUZ. QazAqparat – Qazirgi tańda jergilikti bılik tarapynan halyqty evakýatsııalaý máselesi kóterilgen joq. Muny BAQ ókilderiniń qatysýymen ótken brıfıngide Ekibastuz qalasynyń ákimi Aıan Beısekın málim etti, dep habarlaıdy QazAqparat tilshisi.

«14 jyltý pýnkti jumys istep tur. Ol jerlerde tamaq, ystyq shaı beriledi. Sonymen qatar 10 mobıldi jylytý pýnkteri bar. Olar kvartaldar ishindegi aýdandarda ornalastyrylǵan. Turǵyndardyń ótinishi boıynsha 25 bıoájethana uıymdastyryldy», - dedi Aıan Beısekın.

Brıfıng barysynda qala ákimi turǵyndardy evakýatsııalaý týraly jýrnalıster suraǵyna jaýap berdi.

«Evakýatsııa» sózin qoldanbaýlaryńyzdy ótinemin. Óıtkeni, qazirgi tańda jergilikti bılik tarapynan halyqty evakýtsııalaý máselesi kóterilgen joq. Biz tek kishkentaı balalardy basqa aýmaqtarǵa, atap aıtqanda arnaıy daıyndalǵan lagerlerge kóshirdik. Turǵyndar evakýatsııalanbaıdy, kerisinshe úılerge tez arada jylý berý jumystary júrgizilýde», - dep jaýap berdi shahar basshysy.

Onyń málimetinshe, Ekibastuzda 40-tan astam úıde áli de aýyzsý, 11 úıde elektr jaryǵy joq.

Eske sala keteıik, búgin Tótenshe jaǵdaılar mınıstrligi Ekibastuz qalasyna qosymsha kúshter men quraldar jibergen bolatyn.

Ekibastuz jylý elektr ortalyǵynda apat 27 qarashada bolǵan edi. Saldarynan qala turǵyndary jylýsyz qaldy.

Keıinirek jylý qazandyǵynyń isten shyǵýyna baılanysty oblys ákimi bastaǵan jedel shtab quryldy.

Ekibastuz qalasynyń oqýshylary onlaın oqýǵa kóshirildi.

28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.

30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.

Keshe, 1 jeltoqsanda QR Prezıdenti Qasym-Jomart Toqaev Ábilqaıyr Sqaqovty Pavlodar oblysynyń ákimi qyzmetinen bosatty. Onyń ornyna ýaqytsha Oleg Krýk taǵaıyndaldy.

Foto: Konstantın Shelkov/ pavlodarnews.kz