Ekibastuz turǵyndary eki aı jylýǵa aqsha tólemeıdi

EKІBASTUZ. QazAqparat – Apat saldarynan jylýsyz qalǵan páter ıeleri qarasha-jeltoqsan aılary úshin jylýǵa aqsha tólemeıdi. Bul týraly BAQ ókilderiniń qatysýymen ótken brıfıngte «Ortalyq Azııa elektr energetıkalyq korporatsııasy» AQ basqarma tóraǵasy Baǵdat Oral málimdedi, dep habarlaıdy QazAqparat tilshisi.

«Qazir kóshilikti jylý aqysyna qatysty másele alańdatany belgili. Biz osy jerde mynany aıtqymyz keledi: tótenshe jaǵadaı kezinde jylýsyz qalǵan úı ıeleri qarasha jáne jeltoqsan aılary úshin jylýǵa aqsha tólemeıdi. Al jylý júıesinen tolyq ajyratylmaǵan, biraq jylý durys berilmeı, páterleri sýyq bolǵandardyń jylý úshin tólemderi qaıta qaralady», - dedi Baǵdat Oral.

Aıta keteıik, sońǵy derekke saı, qaladaǵy Máshhúr Júsip kóshesi, 52 mekenjaıyndaǵy úıde jóndeý jumystary júrgizilip jatyr.

Mundaǵy 20 kireberistiń on tórtine jylý berilgen.

Ekibastuz ákimi Aıan Beısekınniń aıtýynsha, qalǵan 6 podezdegi jumys tańǵy 08:00-ge deıin aıaqtalady.

Sonymen qosa, qazirgi tańda áli de 20 úı salqyn sýsyz otyr.