Ekibastuz turǵyndary bir aı boıy ınternetti tegin paıdalanatyn boldy

EKІBASTUZ. QazAqparat - Pavlodar oblysynyń turǵyndaryna tegin uıaly baılanys qyzmeti usynyldy. 160 myńnan astam abonent bir aı boıy tegin qońyraý men mobıldi ınternet qyzmetin paıdalana alady, dep habarlaıdy QazAqparat.

Jylý elektr ortalyǵyndaǵy apatqa jáne Ekibastuzda jarııalanǵan tótenshe jaǵdaı rejımine baılanysty QR Tsıfrlyq damý, ınnovatsııalar jáne aeroǵarysh ónerkásibi mınıstrligi mobıldi operatorlardy Ekibastuz ben Pavlodar oblysynyń turǵyndaryna qoldaý kórsetýge jáne tegin trafık usynýǵa shaqyryp, aktsııaǵa bastamashy boldy.

Osylaısha, Ekibastuz aımaǵyndaǵy 17 myń Tele2/Altel abonenti 45 mınýt tegin qońyraý men 45 tegin SMS, sondaı-aq 8 Gb ınternet-trafık alady.

Bul pakettti 2022 jylǵy 28 qarashadan bastap 30 kún qoldanýǵa bolady.

Pavlodar oblysynyń barlyq Kcell abonentterine 4 Gb ınternet-trafık pen basqa mobıldi operatorlar nómirlerine 20 mınýt tegin qońyraý beriledi.

Bonýstyq resýrstar 2022 jyldyń 28 qarashasynan bastap 7 kún jaramdy bolady.

Operator SMS habarlama arqyly pakettiń eseptelgeni jaıly habarlaıdy.